Y Diwydiant Pŵer

Learning Programme Content

Bydd darpariaeth y Rhaglen Ddysgu yn cynnwys tair elfen orfodol:

• Cymwysterau,

• Sgiliau Hanfodol

• Hyfforddiant yn y gwaith / i ffwrdd o'r gwaith

166 credyd yw'r isafswm credyd gofynnol ar gyfer Llwybr Lefel 3 Gweithrediadau a Chynnal a Chadw Tyrbinau Gwynt.

Entry requirements

Y cyflogwr, a chanddo syniad clir o'i ofynion, fydd yn gyfrifol am ddewis a recriwtio prentisiaid.

Mae'r cymwysterau sydd wedi'u cynnwys yn y Brentisiaeth hon yn feichus a bydd llawer o gyflogwyr yn chwilio am ymgeiswyr sydd wedi ennill Diploma Canolradd Bagloriaeth Cymru neu gymhwyster uwch i ddangos bod ganddynt y gallu i gwblhau'r Brentisiaeth.

Byddai ymgeiswyr â chymwysterau peirianneg lefel 2 yn addas iawn ar gyfer y Brentisiaeth hon er y gellir datblygu'r sgiliau hyn drwy'r rhaglen.

Dylai ymgeiswyr fod yn ymwybodol o'r canlynol (heb eu trefnu yn ôl pwysigrwydd):

• Gall trydan fod yn beryglus o beidio â'i drin yn gywir, felly mae diogelwch prentisiaid, eu cydweithwyr a'r cyhoedd o'r pwys mwyaf yn y swydd hon. Mae'n rhaid i brentisiaid fod yn ymwybodol o ddiogelwch a bod ag agwedd gyfrifol at waith. 

• Mae'r rhain yn swyddi sy'n gofyn llawer yn gorfforol ac sy'n cynnwys plygu a chodi felly mae'n bwysig cael lefel sylfaenol o ffitrwydd i gyflawni'r gwaith yn effeithlon. 

• Bydd gweithwyr Llinellau Uwchben a Pheirianwyr Tyrbinau Gwynt yn gweithio ar uchder felly ni fyddai unigolion sy'n ofni uchder yn addas ar gyfer y rolau hyn. 

• Gall pob peiriannydd tyrbin gwynt weithio ar y môr a threulio cyfnodau sylweddol ar y môr, felly dylai ymgeiswyr am y rolau hyn fod yn barod i ystyried hynny os oes angen. 

• Mae'r swyddi hyn yn golygu gweithio yn yr awyr agored, felly dylai prentisiaid fod yn barod i weithio mewn unrhyw fath o dywydd. 

• Bydd angen i brentisiaid feddu ar sgiliau ymarferol da i drin offer a bod yn barod am waith caled. Mae'r swyddi hyn yn fedrus iawn, a bydd angen cryn allu canolbwyntio ar gyfer rhai agweddau. 

• Mae angen sgiliau cyfathrebu rhagorol, yn ogystal â'r gallu i weithio mewn tîm ac yn annibynnol. 

• Gall y swydd gynnwys teithio gan fod prentisiaid yn aml yn gorfod mynd allan i weithio ac ymateb i argyfyngau ddydd a nos. Bydd angen i brentisiaid felly fod yn barod i addasu ac yn hyblyg, ac mae trwydded yrru'n ddymunol. 

• Yn aml defnyddir lliw i adnabod craidd ceblau, ac yr amgylchiadau hynny mae'n bwysig gallu gweld lliwiau'n gywir. Os yw darpar ymgeiswyr yn pryderu am ddallineb lliw, dylent drafod hyn â'r cyflogwr sy'n recriwtio i ganfod unrhyw addasiadau rhesymol y gellir eu gwneud.
• Bydd rhai o'r rolau swydd hyn yn cynnwys gweithio mewn mannau cyfyng. Os yw darpar ymgeiswyr yn pryderu am glawstroffobia, dylent drafod hyn â'r cyflogwr sy'n recriwtio i ganfod unrhyw addasiadau rhesymol y gellir eu gwneud. 
• Bydd angen i brentisiaid fod â diddordeb brwd yn y Sector Pŵer ac mewn cyfarpar a rhwydweithiau mecanyddol/trydanol/ffisegol.

Yn ogystal â gofynion mynediad y Brentisiaeth, byddai cyflogwyr yn disgwyl i Brentisiaid feddu ar Ddiploma NVQ Lefel 2 mewn Perfformio Gweithrediadau Peirianneg cyn dechrau'r Brentisiaeth.

Ni chaiff dysgwyr heb y cymhwyster hwn eu heithrio o'r Brentisiaeth, ond byddai disgwyl iddynt ei gwblhau fel gofyniad ychwanegol gan y cyflogwr ar gyfer y llwybr.

Apprenticeship pathway learning programme(s)

Lefel 3: Gweithrediadau a Chynnal a Chadw Tyrbinau Gwynt

Lefel 3: Gweithrediadau a Chynnal a Chadw Tyrbinau Gwynt Qualifications

Mae'n rhaid i'r cyfranogwyr ennill un o'r cymwysterau cymhwysedd a gwybodaeth a ganlyn:

Essential Skills Wales (ESW)

Ieithoedd asesu cymwysterau Sgiliau Hanfodol Cymru yw Cymraeg a Saesneg 

On/Off the Job training

On/Off the Job Qualification details (Minimum Credit & Hours)

Mae angen o leiaf 175 credyd i gyflawni'r Brentisiaeth Gosod a Chomisiynu Tyrbinau Gwynt.

Mae'r rhain wedi'u rhannu fel a ganlyn: Cymhwysedd – 85, Gwybodaeth – 78, Sgiliau Hanfodol Cymru - 12

Rhaid cyflawni cyfanswm o 1,374 o oriau hyfforddiant yn y gwaith ac i ffwrdd o'r gwaith.

On/Off the Job Essential Skills details (Minimum Credit & Hours)

• 6 chredyd / 45 ODDA Lefel 2 Cyfathrebu Sgiliau Hanfodol Cymru

• 6 chredyd / 45 ODDA Lefel 2 Cymhwyso Rhif Sgiliau Hanfodol Cymru

Other additional requirements

Nid oes unrhyw ofynion ychwanegol eraill yn gysylltiedig â'r llwybr hwn 

Job roles

Technegydd Prentis Tyrbinau Gwynt

Ymgymryd â'r gwaith o archwilio a chynnal a chadw systemau tyrbinau gwynt, a chanfod lleoliad a'r achosion wrth wraidd diffygion yn ogystal â thynnu ac ailosod systemau a chydrannau. Rhaid i brentisiaid gydymffurfio â rheoliadau statudol a gofynion diogelwch sefydliadol a byddant yn gweithio gydag eraill.

Progression

Lefel 3: Gweithrediadau a Chynnal a Chadw Tyrbinau Gwynt

Dilyniant i'r llwybr: 

Gellir cael mynediad ar hyd ystod o lwybrau, gan gynnwys: 

• Profiad gwaith neu waith perthnasol

• Hyfforddiant a/neu brofiad a allai gynnwys portffolio sy'n dangos yr hyn y maent wedi'i wneud. Cymhwyster/cymwysterau academaidd fel Diploma Canolradd Bagloriaeth Cymru.

• Ennill Sgiliau Hanfodol Cymru

• Cwblhau Prentisiaeth Lefel 2 berthnasol yn llwyddiannus, er enghraifft mewn Peirianneg.

   

Llwybrau dilyniant allan o'r Brentisiaeth: 

Bydd dilyniant yn dibynnu ar berfformiad a chymhelliant yr unigolyn a'r swyddi gwag/cyfleoedd sydd ar gael o fewn y sefydliad ac o fewn sefydliadau eraill yn y sector. 

I'r unigolyn cywir, gall y Brentisiaeth hon fod yn hwb cychwynnol i yrfa gyffrous yn y Sector Pŵer. 

Dyma enghraifft bosibl o lwybr dilyniant fertigol: 

Technegydd ar Brentisiaeth – Technegydd dan Hyfforddiant – Technegydd Cymwys/Technegydd - Technegydd Awdurdodedig – Goruchwylydd Safle dan Hyfforddiant – Goruchwylydd Safle – Uwch Oruchwylydd Safle. 

Pan fydd unigolyn yn cyrraedd swydd Technegydd Awdurdodedig, mae cyfleoedd ar gael am ddilyniant llorweddol. Gallai Technegydd Awdurdodedig symud ymlaen i fod yn Dechnegydd Llafnau neu'n Hyfforddwr Diogelwch ac yna'n Hyfforddwr Technegol. 

Equality and diversity

Mae'n bwysig bod Llwybrau prentisiaeth yn gynhwysol ac yn gallu dangos ymagwedd weithredol at nodi a chael gwared â ffactorau sy'n atal mynediad a dilyniant. Dylai llwybrau hyrwyddo cyfle cyfartal rhwng unigolion a chanddynt nodweddion gwarchodedig a'r rhai nad oes ganddynt y nodweddion hynny, fel y nodir yn Neddf Cydraddoldeb 2010.

Y nodweddion gwarchodedig a nodwyd yn y Ddeddf Cydraddoldeb yw oedran, anabledd, ailbennu rhywedd, hil, crefydd neu gred, rhyw, cyfeiriadedd rhywiol, beichiogrwydd a mamolaeth. Mae priodas a phartneriaeth sifil hefyd wedi'u cynnwys, ond dim ond yng nghyswllt y gofyniad i gael gwared â gwahaniaethu mewn cyflogaeth.

Mae'n RHAID i ddarparwyr hyfforddiant a chyflogwyr hefyd gydymffurfio â'r ddyletswydd arall o dan Ddeddf Cydraddoldeb 2010 i sicrhau na wahaniaethir yn erbyn ymgeiswyr yn nhermau mynediad i'r diwydiant ar sail y naw o nodweddion gwarchodedig hynny.

Tangynrychiolaeth yn y sector

Mae diffyg cydbwysedd rhwng y rhywiau yn effeithio ar y Sector Pŵer, gyda menywod i gyfrif am gyn lleied ag 26.8% o'r gweithlu, o gymharu â chyfartaledd y DU o 43%. Mae'r gynrychiolaeth o fenywod hyd yn oed yn is mewn rolau technegol, sef 1.7% o'r gweithlu o gymharu â chyfartaledd y DU o 8.6%. Yn ogystal â hyn, dim ond 4% o weithlu'r Sector Pŵer sy'n Ddu, yn Asiaidd ac yn Lleiafrifol Ethnig o gymharu ag 8% o weithlu'r DU.

Rhwystrau i fynediad a dilyniant

Canfyddiadau di-sail ynghylch addasrwydd rolau technegol o fewn y diwydiant i fenywod yw'r prif rwystr i fynediad a dilyniant ymhlith y grwpiau tangynrychioledig hyn.

Camau sy'n cael eu cymryd i fynd i'r afael â rhwystrau i fynediad a dilyniant.  Ystyrir bod prentisiaethau yn llwybr hanfodol i hyrwyddo ac annog amrywiaeth fwy o unigolion i ymuno â'r diwydiant. 

Nid yw'r Brentisiaeth hon yn gwahaniaethu. Mae'n rhaid i gyflogwyr/ddarparwyr allu dangos nad oes unrhyw arferion gwahaniaethol amlwg na chudd wrth ddethol a chyflogi. Fel isafswm, bydd yn rhaid i'r holl weithgareddau hyrwyddo, dethol a hyfforddi gydymffurfio â deddfwriaeth berthnasol, yn enwedig nodweddion gwarchodedig Deddf Cydraddoldeb 2010. 

Am ganllawiau, edrychwch ar:

www.equalityhumanrights.com/advice-and-guidance/new-equality-act-guidance/

Mae Energy & Utility Skills a chyflogwyr y Sector Pŵer wedi sefydlu'r Academi Sgiliau Cenedlaethol ar gyfer Pŵer i ddatblygu capasiti, gallu, ansawdd a chysondeb hyfforddiant ac addysg i greu'r sgiliau sydd eu hangen ar gyfer sector Pŵer cynaliadwy yn y DU. Un o amcanion strategol yr Academi Sgiliau yw: "Gwneud y sector yn amrywiol a deniadol i gyflogeion, dysgwyr a hyfforddwyr y presennol a'r dyfodol, gan ddangos llwybrau gyrfa a datblygu clir cydnabyddedig a chydgysylltu gwaith i hyrwyddo'r sector ymhlith recriwtiaid a dysgwyr newydd, yn unol â'r gyfundrefn addysg drwy ysgolion, cynghorwyr gyrfa ac Addysg Bellach ac Uwch."

Mae'r Academi Sgiliau wedi sefydlu'r Gweithgor Sector Deniadol er mwyn: "Ehangu'r "gronfa" o ddarpar gyflogeion yn y diwydiant pŵer drwy godi proffil y sector a'i wneud yn fwy deniadol."

Mae'r gweithgor wedi cynhyrchu strategaeth sector deniadol sy'n canolbwyntio ar ddau faes gweithgarwch allweddol: ymgysylltu â rhanddeiliaid a dysgwyr. Bydd yn canfod datrysiadau ar gyfer mynediad a dilyniant.

Mae gwefan Think Power www.thinkpowersector.co.uk yn un enghraifft o'r gwaith sy'n digwydd i wneud i'r sector ymddangos yn fwy deniadol. 

Employment responsibilities and rights

Nid yw Cyfrifoldebau a Hawliau Cyflogaeth (CHC) yn orfodol mwyach. Ond argymhellir bod pob prentis (yn enwedig y grŵp 16-18 oed) yn derbyn rhaglen sefydlu yn y cwmni.

Responsibilities

Cyfrifoldeb Darparydd yr Hyfforddiant a'r Cyflogwr yw sicrhau bod gofynion y Llwybr hwn yn cael eu bodloni yn unol â Chanllawiau Prentisiaethau Llywodraeth Cymru/Medr. 

Gellir cael rhagor o wybodaeth gan: Medr

Document revisions